As Bibliotecas Municipais de Ourense, Biblioteca Municipal de A Ponte, Biblioteca Municipal de San Francisco e Biblioteca Municipal de Carballeira, dan comezo este sábado a unha serie de actividades relacionadas coas datas de Entroido. Este ano, tódalas actividades programadas xiran en torno á obra “Hansel e Gretel”, dentro da temática na que se está a traballar “Os contos clásicos e as súas andainas”.
Dende este 30 de xaneiro e ata o vindeiro 17 de febreiro, as bibliotecas municipais e puntos de lectura da cidade acollerán diversas actividades e obradoiros dirixidos a escolares de todas as idades.
Algúns dos máis destacados son os seguintes: realización de compadres e comadres, decoración das salas de animación á lectura, creación da mascota do Entroido, lectura da historia da festa, creación de contos inventados polos nenos, elaboración de monicrecos de personaxes dos contos incluidos na programación, elaboración de disfraces, teatro en guiñol, receitas e doces do Entroido, elaboración de rimas e adiviñas, elaboración de collages ou obradoiros de maquillaxe.
Como datas especiais salientanse as do “Día de Compadres” (4 de febreiro), “Día de Comadres” (11 de Febreiro) e a “Festa de Disfraces” (12 e 13 de febreiro). |
