O alcalde de Ourense, Francisco Rodríguez, remitiu este xoves unha carta ao Fiscal coordinador de Medio Ambiente e Urbanismo do Tribunal Supremo, Antonio Vercher, na que lle dá traslado da solicitude xa presentada ante a Fiscalía de Ourense, de que se realice unha investigación sobre o vertido tóxico detectado nos últimos días no río Barbaña.
Na súa misiva, Francisco Rodríguez advirte ao Fiscal de Medio Ambiente da alarma social xenerada na cidade por este grave vertido ó río, e lle traslada a solicitude presentada o día 26 de xuño na Fiscalía de Ourense solicitando incoar as pertinentes dilixencias de investigación pola presunta comisión dun delito contra os Recursos Naturais e o Medio Ambiente

“Con este escrito, o Concello continúa a desenvolver o seguimento oportuno para acadar o esclarecemento das causas que orixinaron o vertido, coas gravísimas consecuencias medioambientais que ocasionou nun entorno tan valioso como o río Barbaña”, sinala o rexidor municipal ourensán.
Rodríguez xa cursou ao Fiscal da Audiencia de Ourense a súa preocupación pola situación nada máis producirse e o desexo do Concello de Ourense de que o Fiscal tomara cartas no asunto.
Agora Francisco Rodríguez eleva petición no mesmo sentido ao Fiscal coordinador de Medio Ambiente e Urbanismo do Tribunal Supremo.