“Días atrás Acción contra el Hambre me invitó a cooperar en uno de sus proyectos en Nicaragua. Debía reflejar con mis fotografías el estado de las comunidades próximas a Somoto, en el departamento de Madriz. Diciembre es un mes atípico, la Navidad se hace patente en medio de la pobreza, sabía que podría afectarme. Viajé con ese pensamiento”. Así explica Fernando Bellas a súa decisión de colaborar con Acción contra a Fame, un compromiso que perdura despois da viaxe a Nicaragua e que nestes días faise máis patente que nunca gracias á inauguración da súa exposición “Un Anaquiño de Nicaragua”. Esta exposición chega agora a Ourense, este día 2, e aquí permanecerá ata o 15 deste mes no Liceo da capital ourensá.
Do 2 ao 15 de decembro os asistentes terán a oportunidade de coñecer máis de cerca a realidade dun dos países máis pobres de Centroamérica, onde un de cada catro nenos padece desnutrición crónica e máis da metade da poboación non dispón de condicións básicas de hixiene.
Esta exposición e libro de fotografías son os primeiros documentos da viaxe a Nicaragua de representantes de Cultura Solidaria Galega, Fernando Bellas, Ánxela G. Abalo e Gustavo Pernas, organizada pola delegación en Galicia de "Acción contra a Fame".
Recórdase que "Acción contra a Fame" traballa en Nicaragua desde o ano 1.996 tratando a desnutrición crónica infantil, mellorando o acceso á auga e saneamento básico da súa poboación, favorecendo a seguridade alimentaria e a diversificación da dieta e axudando a sobrepoñerse a desastres naturais coma o furacán Mitch, Stan ou o Félix.
A exposición permanecerá no Liceo desta cidade ata o día 15 deste mes, e poderase visitar de 10 da mañá a 10 da noite. |