Ás incomodidades que representa o feito de que moitas persoas que a cotío teñen que desplazarse ao Hospital de Piñor teñan que deixar o autobús urbano no nucleo de Cabeza de Vaca e logo desplazarse a pé durante un kilómetro, engádese o feito da nula seguridade viaria que presenta este tramo da estrada que sube dende a capital ourensá a Toén.
Sinala o portavoz do PSdeG-PSOE, Xosé Carlos Valcárcel, que sigue sin haber beirarrúas, co que "non hai espacio físico suficiente para poder camiñár sen invadir a estrada".
A esta carencia engádese que tampouco hai a suficiente iluminación pública, un aspecto que empeora o estado desta estrada, "tendo en conta que Ourense está tan só a 3 kilómetros e a situación deste vial mesmo é similar a calquera recuncho pouco transitado de calquera aldea de zona de montaña da pronvia ourensá", sinala o portavoz socialista no concello de Barbadás.

Valcárcel recorda que o arranxo de esta estrada é competencia da Deputación de Ourense e do Concello de Barbadás, e recorda que o PSdeG-PSOE xa trasladou a ambas institucións con anterioridade esta situación. Valcárcel considera que "é lamentable atoparnos día tras día cunha imaxe máis propia do século XIX, é dicir, ver como as persoas que acuden a visitar ós seus familiares ó hospital de Piñor teñen que mesmo poñer en risco a súa integridade física ata chegar ó centro hospitalario".
O portavoz socialista denuncia que tanto o presidente da Deputación como rexedor de Barbadás, ambos do Partido Popular, evitan o asunto, o que provoca que a situación da estrada siga empeorando co paso do tempo sin que se lle poña solucións aos problemas de seguridade física que representa para os peóns.