Comezan este xoves as Xornadas de Bioenxería no Ámbito Fluvial que organiza a Concellería de Medio Ambiente do Concello de Ourense, e que terán por escenario o Auditorio Municipal desta cidade.
"Nestas xornadas, os ponentes tratarán os ámbitos de aplicación das técnicas, exemplos de aplicación das técnicas no norte de España, a vexetación da ribeira de Galicia e unha introducción do taller práctico que se desenvolverá o venres e o sábado", segundo sinala o departamento de Tito Espinosa.
Trala finalización das ponencias, a xornada concluirá cunha mesa redonda sobre “A restauración fluvial e as técnicas de Enxeñería biolóxica”, cun moderador de excepción, Joao Paulo Fernandez, Profesor de Bioenxeñería da Universidade de Evora (Portugal) e presidente de APENA, na que se tratará o estudio da aplicación de solucións con técnicas de Enxeñería Biolóxica.
A Bioenxeñería é unha disciplina técnico científica na que as prantas vivas se empregan como elementos de construcción, nas actuacións de recuperación do contorno do medio, tanto no control da erosión superficial como na estabilización de noiros. Os ámbitos de actuación son moi diversos e comprenden a retauración do medio natural, de actividades extractivas, infraestructuras viarias, leitos fluviais, dunas e zonas costeiras.
|