Este lunes dan comezo na Aula da Natureza de Oira a “Semana do Mel”, actividades para escolares que organiza o Concello de Ourense pero que tamén contan con unhas xornadas destinadas aos apicultores.
De feito, entre os días 20 e 23 de outubro, os escolares poderán visitar a exposición, e ademais de seguir a exposición cun monitor e saborear os meles, poderán elaborar unha vela de cera que levarán consigo.
Por outra banda, os días 21, 22, 23 e 25 de outubro celebraranse as “Xornadas para apicultores”, entre as 19:00 e as 21:00 horas. Trataranse temas como “As abellas e o medio ambiente”, “Enfermidades das abellas” ou “Productos da colmea”.  Os interesados deberán apuntarse chamando ó teléfono 981508142 antes do día 21 de outubro.

Ademáis, o día 25 organizarase unha viaxe apícola a Lobios –Serra do Xurés-, que incluirá unha visita á Cooperativa de mel do Xurés, a ruta dos muíños e un xantar en Lobios. Esta actividade é gratuita e vai dirixida a todos os cidadáns interesados en asistir á mesma.

A “Semana do Mel” está financiada pola AGA (Asociación Galega de Apicultura) e polo Concello de Ourense por medio da Aula da Natureza. Para máis información, acudir á Concellería de Educación, na Rúa Ervedelo nº2, 1º, ou no teléfono 988510802.