A Concellería de Medio Ambiente do Concello de Ourense e a Asociación Española de Ingeniería del Paisaje organizan a III Xornada e Obradoiro práctico de Bioenxeñería no ámbito fluvial, que terá lugar os vindeiros 20, 21 e 22 de novembro nesta cidade.
As xornadas están dirixidas a titulados de nivel superior ou medio con experiencia laboral, profesionais, proxectistas, funcionarios da Administración, ou profesores universitarios que desexen coñecer as posibilidades que ofrecen estas técnicas de restauración fluvial.

A xornada, que se celebrará o xoves, 20 de novembro, no Auditorio Municipal, mostrará as posibles aplicacións e limitacións destas técnicas no ámbito fluvial, para o que contará con especialistas europeos de Enxeñería Biolóxica.
Pola súa banda, o obradoiro facilitará a adquisición de habilidade práctica para supervisar e dirixir traballos de recuperación fluvial. Terá lugar o 21 e 22 de novembro no Paseo das Ninfas do Río Lonia.
Ademáis, con obxecto de verificar a brotación organizarase unha excursión guiada na primaveira do 2009, na que se visitarán outras intervencións da zona e se analizará a paisaxe do Miño e do Sil.

Os interesados poden inscribirse on-line, en www.aeip.org.es. O período de inscripción está aberto ata o 15 de novembro ou ata completar as prazas previstas. Para máis información, consultar a páxina do Concello www.ourense.es ou dirixirse á Concellería de Medio Ambiente.