Durante este verán, o sistema de préstamo de bicicletas  da Concellería de Medio Ambiente “Roda Limpo” subiu nun  26%, incremento que se atribúe á maior disposición de tempo libre dos usuarios e á presencia de turistas na cidade.  O número total de usuarios xa é de 2.249, segundo o balance feito dende o Concello de Ourense.
A iniciativa, posta en marcha vai cara un ano, está dando bos resultados a criterio dos seus promotores. Aínda que dende o Concello de Ourense ponse especial énfasis nun aspecto: a necesidade de que o usuario contribúa ó mantemento das bicis.

Neste sentido, lémbrase que, se unha vez comprobada a bicicleta, se percibe que ésta non ofrece as condicións normais de uso e mantemento, deberase dar conta da mesma na Concellería de Medio Ambiente, na Oficina Municipal de Turismo, no Pabillón dos Remedios, ou nos teléfonos 988 227164 ou 988 388135, para levar a cabo a súa reparación satisfactoriamente, sen coste algún para o cidadán.
O Concello advirte que non por facelo se fai outra cosa que non sexa contribuir ó bo estado do material, o cal, polo tanto, o Concello de Ourense agradece ó usuario.

Os sitios de préstamo das bicis están distribuidos en seis puntos da cidade: na Praza da Mariña, no Pabillón dos Remedios, na Avda. Otero Pedrayo, na Praza Bispo Cesáreo e na Avda. De Zamora. O horario de disponibilidade nestes meses prolóngase de 9:00 h. a 21:00 h. Para gozar do servizo só é necesario solicitar a tarxeta de usuario na Concellería de Medio Ambiente, na Oficina Municipal de Turismo ou no Pabillón dos Remedios.

O sistema de préstamo “Roda Limpo” é resultado dun convenio de colaboración entre o Instituto Enerxético de Galicia (INEGA), o Concello de Ourense e o Instituto para la Diversificación y Ahorro de Energía (IDAE), que ten como obxectivo facilitar e potenciar o uso da bicicleta como uso de transporte urbano no Concello de Ourense. Para máis información, pode consultarse a páxina web www.bicis.ourense.es.