OURENSE DIXITAL .com __ADEGA califica de "puñada ao Sil" a autorización que lle acaba de dar o Ministerio de Espinosa a Iberdrola para outra presa nos Canóns


	A Asociación para a Defensa Ecolóxica de Galiza, ADEGA, denuncia que "vén de tomar coñecemento do importante dano ambiental que recentemente acaba de autorizar o Ministerio de Medio Ambiente, Medio Rural e Medio Mariño, que preside a Ministra ourensá Elena Espinosa". Sinala a organización ecoloxista que se trata da autorización dun aproveitamento hidroeléctrico a Iberdrola co que ADEGA considera que "o río Sil recibirá unha puñada mortal definitiva".

ADEGA califica de "puñada ao Sil" a autorización que lle acaba de dar o Ministerio de Espinosa a Iberdrola para outra presa nos Canóns

4 de XULLO de 2008: OURENSE DIXITAL

Segundo ADEGA, con esta autorización de aproveitamento hidroeléctrico á empresa Ibedrola "o río Sil recibirá unha puñada mortal definitiva", tendo en conta que o citado aproveitamento hidroeléctrico “Santo Estevo II” afecta ao LIC (Lugar de Interese Comunitario) Canón do Sil, pertencente á Rede Natura 2000 e polo tanto suxeito á Directiva 92/43/CEE relativa á Conservación dos Hábitats Naturais e da Flora e Fauna Silvestre, tamén coñecida como Directiva Hábitats.
Ademais, "o citado aproveitamento debe estar sometido á realización de

Estudo de Impacto Ambiental en base ao punto anterior e ao Real Decreto 1302/1986 de Impacto Ambiental no seu Anexo II, Grupo 4, apartado C".
En terceiro lugar, ADEGA repara en que a apertura de túneles-galería necesarios para realizar o aproveitamento "producirá grandes cantidades de cascallos e entullos que afectarán gravemente á conservación do citado LIC “Canón do Sil”, así como os efectos do aproveitamento do caudal ecolóxico para o turbinado poden ter graves efectos sobre multitude de especies e hábitats protexidos". Subliña o colectivo ecoloxita que haberá que ter en conta que estas obras teñen "carácter INCOMPATIBLE coa función de Conservación que debe prevalecer en virtude do interese público"
.
Por todo esto, "ADEGA solicita a retirada do proxecto en base ao seu grave impacto ambiental, social e a carencia de interés público das obras posto que os supostos beneficios económicos que conleva para a empresa promotora serían moito menores que os prexuizos que causaría á sociedade".
Recorda ademais a Asociación para a Defensa Ecolóxica de Galicia que este aproveitamento fora rexeitado cun informe negativo da Dirección Xeral de Conservación da Natureza da Consellaría de Medio Ambiente e Desenvolvemento Sostible por afectar a un espazo da Rede Natura, ao tempo que recorda que "Os Canóns do Sil integran un importante recurso xeolóxico que foi seleccionado para o proxecto Geosites dentro do traballo que leva a Unesco para inventariar aqueles lugares que integran o patrimonio xeolóxico español (144 lugares propostos) que, pola súa importancia, proporá o Instituto Xeolóxico e Mineiro de España".