A colleita do 2007 de Ribeiro é "excelente". Así a calificou o Consello aténdose aos informes técnicos das cualificacións organolépticas realizadas periódicamente, o que certificou o pleno do Consello deste luns.
O pleno tamén procedeu a aprobar as novas normas de pago das liquidacións de exaccións parafiscais para os adegueiros.
Ademais, o presidente do CRDO Ribeiro, Luis Anxo Rodríguez, informou aos distintos membros do pleno de toda a información acerca da XLV Feira do Viño do Ribeiro. A Feria deste 2008 terá lugar os días 4, 5 e 6 de xullo. O presidente tamén lles deu conta das actividades relacionadas coa Feira, que se celebrarán en días previos ao evento, tales como xornadas técnicas ou a visita de periodistas especializados.
As xornadas técnicas terán lugar o día 2 de xullo da man de Fernando Martínez de Toda, catedrático de Viticultura da Universidade de La Rioja, Juan Pan Montojo, profesor da Universidade Autónoma de Madrid e de Antonio Salgado, xefe da Unidade de Xestión do Coñecemento do Instituto de Investigación do Hospital Valle Herbón de Barcelona.
Por último, o presidente do Consello tamén informou aos membros do pleno do proceso de contratación do xerente para a Denominación de Orixe, "procedemento que se atopa moi avanzado e se rematará en vindeiras datas", segundo informa o propio Consello. |