Pérez Bouza lembra que debido o litixio entre o Ministerio de Cultura e a empresa adxudicataria, as obras de San Francisco permaneceron bloqueadas e non se investiron no proxecto de restauración integral de San Francisco os 6 millóns de euros que o Ministerio de Cultura tiña consignados para esta obra nos Orzamentos do Estado de 2006, e os 3,5 millóns que se contemplaban nos presupostos de 2007.
Neste sentido, o senador nacionalista pregúntalle ao Goberno Central se vai incluír, con carácter suplementario, estes 9,5 millóns de euros non invertidos nas partidas destinadas a esta obra nos Orzamentos Xerais do Estado para 2009.
Pérez Bouza considera "de xustiza incluír estas partidas non executadas para axilizar unhas obras que xa acumulan dous anos de retraso".

Ademais, o parlamentario do BNG pregunta ao Goberno por o prazo previsto para o inicio das obras no arquivo, pendente dunha reforma do proxecto, e de remate das obras no seu conxunto.
Por outra parte, solicita que se informe do importe da indemnización que o Goberno tivo que aboar á empresa adxudicataria das obras pola rescisión do contrato, e as condicións nas que se produciu a nova adxudicación.
Por último, Pérez Bouza pídelle ao Goberno Central que o proxecto de rehabilitación integral de San Francisco "sexa consensuado coas tres administracións implicadas é decir, Ministerio de Cultura, Xunta de Galicia e Concello de Ourense".