A ex concelleira do PP no Concello de Ourense, Belén Girón, obterá pronto unha praza de Técnico Medio en Desenvolvemento Local e Fondos Europeos da Deputación de Ourense, segundo este xoves denuncióu o deputado socialista e alcalde de Carballiño, Carlos Montes. O deputado sinalou que se trata dun caso mui parecido ao da muller do portavoz do PP precisamente no Concello de O Carballiño, Arximiro Marnotes, que tamén accede a unha plaza nas probas de selección de persoal que se estan a desenrolar estes días na institución provincial.

Os socialistas insisten en que “Baltar lonxe de rematar coas prácticas caciquís que caracterizan a súa xestión na Deputación provincial e que fan que Ourense sexa coñecida en toda España, segue adiante co seu principal obxectivo, que non é outro que converter o ente provincial nunha oficina de emprego para todas as persoas afíns ao Partido Popular”.
Segundo Carlos Montes “Baltar é consciente de que esta será a súa última lexislatura ao fronte da Deputación", polo que está aproveitando os últimos momentos da súa vida política "para colocar ben a todos os seus amigos", sinala o deputado socialista. Un xeito de proceder que aínda preocupa máis ós socialistas polo feito de que deixará a Deputación de Ourense hipotecada en materia de persoal, xa que deixará unha plantilla de máis de 1.000 persoas vinculadas ao Partido Popular, segundo os cálculos do Partido Socialista.