O seminario celébrase en dúas xornadas de catro horas de duración, en horario de 16:00 a 20:00 horas, o día 25, e de 10:00 a 14:00, o 26 de abril. O obxectivo deste seminario é formar os participantes na metodoloxía de xestión de proxectos, de cara a que se convertan nun instrumento de planificación dentro das súas asociacións. Para conseguilo, o programa desta actividade céntrase na elaboración dun caso práctico: os participantes terán que realizar un pequeno guión do deseño dun proxecto, analizar os obxectivos, as actividades e os orzamentos, realizar un organigrama e un cronograma das actividades que se van realizar e, por último, preparar unha avaliación, unha xustificación e unha memoria.
Este seminario está dirixido a persoal voluntario e/ou directivo de asociacións, que teñan a responsabilidade da elaboración de proxectos e da xestión de subvencións nas súas entidades. A participación nesta actividade é gratuíta pero é preciso inscribirse previamente posto que as prazas son limitadas. A información e as inscricións poderanse realizar no Centro Comarcal do Carballiño a través do teléfono 988 53 02 52, do fax 988 27 37 69 ou do correo electrónico cccarballino@comarcasdegalicia.com indicando o nome completo, o enderezo, o teléfono ou o correo electrónico, a idade, a formación e mais a ocupación laboral.
|