"Hai dúas semanas o alcalde negouse a aprobar o PXOM a pesar de obter na votación cinco votos a favor do PP, un voto a favor  do BNG , dúas abstencións do PSOE e, un voto en contra de VETA, alegando que unha norma desta relevancia non a quería aprobar sen consenso; hoxe, dúas semanas despois, o alcalde decide aprobar o Plan Xeral a pesar de obter os mesmos resultados que na votación anterior". Así o denuncia o portavoz do PSOE neste Concello, Álvaro Vila, que asegura que non o entende como o rexedor municipal en só quince días "se esqueceu do consenso que quería acadar para aprobar unha norma que determinará o desenvolvemento económico de Taboadela nos próximos anos".

O portavoz socialista dí ahora que lle parecía "bastante raro" que o alcalde se acordara da importancia de chegar a consenso na última fase do PXOM, "cando en oito anos de tramitación xamais se interesou pola postura dos grupos da oposición nin dos veciños e veciñas de Taboadela", sinala Álvaro Vila. Para o portavoz do Grupo Socialista, o que fixo o alcalde o fixo "por mero capricho e para vender un consenso do que nunca se preocupou".