"Feísmo Ilustrado" é un conxunto de ilustracións de quince debuxantes galegos que reflexionan sobre a problemática do feísmo en Galiza. A mostra, que se poderá visitar ata o 15 de abril no Centro Comarcal de Valdeorras, está promovida pola Sociedade para o Desenvolvemento Comarcal de Galiza – dependente da Consellaría do Medio Rural – e mais pola Consellaría de Vivenda e Solo, e leva recorridas xa varias vilas da provincia de Ourense, incluída a capital.

Os autores que participan na exposición

empregan o humor gráfico e a ilustración para abordar un problema complexo que reflicte a relación da sociedade coa paisaxe e co territorio. Trátase de debuxantes cunha longa traxectoria profesional, que colaboran coa súa ollada crítica nos eidos social, económico ou político en xornais e editoriais tanto galegos como estatais: Jacobo Fernández, Ánxeles Ferrer, Forges, Fran Jaraba, Leandro, Siro López, Xan López Domínguez, Xaquín Marín, Pinto & Chinto, Miguelanxo Prado, Miguel Robledo, Kiko da Silva, Alberto Vázquez, Óscar Villán e Xosé Lois.

A exposición “Feísmo Ilustrado” estará aberta ao público no Centro Comarcal de Valdeorras en horario de 10:00 a 14:30 e de 17:00 a 20:00 horas, de luns a venres e de 11:00 a 14:00 horas e de 17:00 a 20:00 horas, durante as fins de semana e os días festivos.