“O éxito do servizo en funcionamento dende principio de curso de 8 a 9:30 h, con 25 alumnas/os, motiva a ampliación para cubrir a necesidade de apoiar ás familias traballadoras tralo horario lectivo” Segundo a tenente de alcalde, a socialista Ana María Rodríguez, dende a Concellería de Servizos Sociais xestiónase dita ampliación que conta coa autorización da Delegación Provincial da Consellería de Educación e Ordenación Universitaria porque “Se trata dunha actuación que axuda non só a conciliación laboral coa atención familiar, senón que nun sentido transversal, responde ó desenvolvemento da igualdade real entre homes e mulleres”.
O horario de traballo solápase coa franxa de remate das clases, sobre todo se a actividade laboral se desenvolve noutras localidades. Un bo número de traballadores de Maceda se despraza ó Polígono de San Cibrao, ou Ourense por exemplo, diariamente, polo que demandan unha prolongación da atención matinal á tarde.
En principio, a monitora do Concello nas mesmas dependencias do colexio que no horario matinal atenderá o alumnado usuario durante 1 hora, a partir de Semana Santa.
|