adxudicataria, e transmitiulle ós técnicos do Ministerio de Cultura a orde de xestionar "de xeito inmediato" as solucións necesarias para solventar o problema.
Esta reactivación prodúcese tralas xestións realizadas polo alcalde de Ourense, Francisco Rodríguez, durante toda a xornada deste martes no ministerio, nas que estivo acompañado pola concelleira de Urbanismo, Aurea Soto.

Na xuntanza co ministro, o titular de Cultura, o galego César Antonio Molina, reiterou a súa "vontade inequívoca" de reactivar o proxecto, vontade na que media, afirmou, "un interés persoal". O ministro referiulle a Francisco Rodríguez que coñece personalmente o entorno de San Francisco, e que aprecia enormemente a zona, tendo sido, xunto co poeta ourensán José Angel Valente, un dos promotores da declaración de Ben de Interés Cultural do adxacente Cemiterio de San Francisco.
O ministro expúxolles ós representantes do Concello ourensán a complexidade do contencioso que a empresa adxudicataria matén coa Administración, así como as dificultades que se derivan do "proxecto nefasto" elaborado para a súa rehabilitación. Acto seguido, abondou na súa vontade total de salvar todos os obstáculos para reactivar inmediatamente as obras de rehabilitación.

Proxecto inicial "inadecuado"

Así, o ministro articulou cos técnicos do Ministerio de Cultura as actuacións necesarias para que, de xeito inmediato, se de vía libre ó comezo das obras. Neste sentido, o alcalde de Ourense agradeceu o compromiso do ministro, e invitouno personalmente a que visite o entorno de San Francisco para coñecer o estado da actuación.
Asimesmo, o alcalde de Ourense anunciou a súa intención de, tras o desbloqueo da situación de parálise que afectaba ó proxeto, convocar unha reunión da Xunta de Portavoces do Concello para explicarlle a tódalas forzas políticas o estado no que se atopaba o proxecto, e ofrecerlles a posibilidade de crear una Comisión Mixta Concello-Xunta para que efectúe un seguimento do proceso de reactivación da rehabilitación de San Francisco.

Segundo as informacións recabadas en Madrid, o proxecto inicial de rehabilitación non se adecuaba nin con moito á singularidade dun edificio da importancia histórica e artística de San Francisco, e tampouco se adaptaba ós novos usos que se lle pretenden dar, con diseños inadecuados, por exemplo, para as sás de arquivo ou as destiñadas a outros usos.
Neste senso, Francisco Rodríguez denunciu a inoperancia do anterior goberno municipal, que mantivo a situación de parálise durante case tres anos sen realizar ningunha xestión para desbloquear as dificultades xurdidas dun proxecto apresurado, elaborado en época electoral polo Goberno central do Partido Popular.