Os troteiros en Bande encetaron este domingo o programa de Entroido na Baixa Limia ourensá. Un total de 12 parroquias percorreron este domingo, 3 de febreiro, os tradicionais troteiros no reencontro con Entroido de Bande.
O percorrido deu comezo pasadas as 10 da mañá pola parroquia de Rubiás ata rematar entrada a noite desde domingo na Praza da Constitución de Bande.

Facendo honras ao seu nome, os troteiros percorreron pobos e aldeas sin maiores concesións ao cansancio que se nalgúns se iba constantando a medida que entraba a tarde: de Rubiás, a A Granxa, Cadós, Recarei, Seoane, Pereira, Santa Comba, a donde chegaron pasadas as dúas da tarde.
Para as 17:45 Hs. estaba prevista a súa chegada a Ponte Liñares, e de aquí o retorno a vila de Bande por Güín, Trarigo, Carpazás, Vilar, Lueda e Martiñán ata chegar a Bande ás oito da tarde, entrada xa a noite.

Deste xeito, o Concello de Bande continúa a recuperar a figura dos troteiros, unha figura que dende fai uns 60 anos fora esmorecendo.
Os troteiros iban provistos dunha vara e corrían os camiños destas terras da Baixa Limia meténdose coas mulleres e os vellos.
A tradición recollida ao respecto sinala que, en tempos, se envolvían en cobertores ou, incluso, unha sabana, levaban caretas de cartón que facían eles mesmos, e unhas campanillas anunciaban a súa presenza.
Nos sombreiros poñían igual postais que espellos, seguramente para protexerse do mal de ollo e outros meigallos, e tamén levaban a cara cuberta por tapetes que bordaban a veces para a ocasión.