Formando parte do Plan de Igualdade e Benestar, o Concello de Vilar de Santos ven de anunciar o comezo das actividades do Programa de Envellecemento Activo, "co que pretendemos modernizar os servizos públicos municipais, e cuxo eixo fundamental ten sido a información pública coa adopción de medidas de igualdade e dinamización social con programas e actividades abertos á participación veciñal e á integración social e económica", sinala o Concello que dirixe como alcalde Xan Jardón Pedras.

O Plan de Igualdade e Benestar está dirixido fundamentalmente ás persoas maiores do concello, conta con actividades adaptadas para 30 persoas que forman o primeiro continxente de participantes nesta actividade. Actividade que deu comezo este xoves, 15 de novembro, segundo informa o Concello de Vilar de Santos.
Consta dun Obradoiro de Ximnasia Activa que está dirixido por unha fisoterapeuta. Un Obradoiro de Memoria, onde os maiores entrenan e exercitan a memoria mediante exercicios axeitados. Estes obradoiros complétanse con outras actividades, como o Programa de Educación Ambiental, curso e conferencias, así como un proxecto piloto específico sobre residuos, a reciclaxe e o fomento da compostaxe.
No Telecentro do Concello organízanse tamén actividades para acercar o uso das novas tecnoloxías ás persoas maiores.