Medio Rural ven de perder o recurso presentado a unha sentencia que xa lle daba a razón a un traballador fixo-discontinuo das brigadas do lume da Xunta de Galicia e ao sindicato Comisións Obreriras nos seus plantexamentos. Agora, o Alto Tribunal confirma a condena á Consellería de Medio Rural á recoñecerlle ao traballador afectado tódolos seus dereitos laborais (salarios incluídos) por non ser contratado ao mesmo tempo que os restantes compañeiros fixo descontinuos por “flagrante discriminación”, segundo di o propio tribunal.
"Esta sentencia confirma definitivamente e con total claridade as reiteradas afirmacións e denuncias públicas de CC.OO. polas que o sindicato xa advertira de que Medio Rural discriminaba gravemente a máis dun cento de traballadores fixo descontinuos do Servicio", sinala Comisións Obreriras. Ao inicio da tempada de 2007, o cinco de febreiro concretamente, estes traballadores foron “castigados” por non adherirse ao acordo de eficacia limitada asinado por medio rural con CIG e UXT, impedíndolles incorporarse aos seus postos de traballo ao mesmo tempo que os restantes traballadores do colectivo que si se adheriran.
Agora esta nova sentencia podería abrir un proceso de reafirmación da cadea de fallos xudiciais xa emitidos a favor dos traballadores e en contra da Consellería de Medio Rural
|
