O Concello de Ourense devolve as Festas Maiores da Cidade aos seus espazos tradicionais. As Festas deste 2010 tentan recuperar para a cidadanía os sitios de sempre, os de costume, e facer partícipes delas a tódolos cidadáns. A concelleira de Cultura e Festas, Isabel Pérez, sinala que “proximidade, participación e ourensanismo” son as principais claves dunhas Festas “pensadas para todos, e nas que queremos que estén tódolos ourensáns e todos aqueles que se queiran achegar nestas datas a nosa cidade”.
Do 20 ao 27 deste mes de xuño, Ourense está en festas. En plena cidade, “máis ourensás que nunca”, sinala a concelleira, e abertas a cidadanía e a todos aqueles que nos visiten e as queiran disfrutar.