 |
 |
|
|||
 |
Entón aínda se falaba en pesetas, e eran 40 millóns delas. Agora son 240.404,84 euros. Ao ano 2000 remóntase a débeda que a Deputación de Ourense ten co Consello Municipal de Deportes desta cidade. Trátase da obra de dotar ao Campo de Oira de herba artificial, entre outras melloras. A Deputación comprometeuse co CMD a facer esta achega, pero, di o Consello Municipal de Deportes, que, unha vez rematada a obra, se che vin non me acordo. Cansado de insistir ante a institución provincial reclamando a débeda, asegura o concelleiro Fernando Varela que non lle quedou máis remedio que acudir aos xulgados en xullo do pasado ano. Agora o Contencioso Administrativo obriga á Deputación a pagar con intereses de demora. |
|
|
| Unha sentenza obriga á Deputación a pagar ao CMD 40 millóns de pesetas con intereses de demora | |
 |
|
 |
|
| 18 de MARZO de 2010: OURENSE DIXITAL | |
 |
|
Algo máis de 240.000 euros máis os intereses de demora, deberá abonar a Deputación Provincial de Ourense ao Consello Municipal de Deportes desta cidade en concepto de "coantía correspondente a obra de acondicionamento e mellora do campo de fútbol de Oira". Así o dispón o Xulgado Contencioso Administrativo número 1 dos de Ourense, aínda que a sentenza contempla a posibilidade do recurso de apelación, para o que establece un prazo de 15 días. As obras en cuestión foron realizadas no ano 2000, e a denuncia do Consello Municipal de Deportes foi presentada en xullo do pasado ano, 2009. Trátase das obras que foi necesario levar a cabo para dotar ao Campo de Oira de herba artificial, entre outras melloras. A execución da obra estaba incluída no Plan de instalacións deportivas da Deputación ourensá, e foi delegada ao Concello de Ourense, comprometéndose a institución provincial a achegar 40 millóns de pesetas entón en vigor, actualmente 240.404,84 euros, para o seu financiamento. "Un acordo que nunca chegou a cumprir nin do que a Deputación deu resposta", sinala o Consello Municipal de Deportes. O departamento de Fernando Varela engade que veu realizando durante os últimos meses numerosos requirimentos á institución que preside José Luís Baltar "que nunca foron contestados", sinala o concelleiro de Deportes do Concello de Ourense, Fernando Varela. Na Comisión Especial de Contas, Facenda e Economía da Deputación do 20 de xaneiro de 2009, tamén o deputado provincial do BNG, Xosé Manuel Fírvida, realizou unha pregunta respecto diso sen conseguir que a institución provincial variase a súa postura. "Neste contexto, e ante a inactividade manifesta do órgano provincial, ou actual concelleiro de Deportes resolveu interpor unha demanda non Xulgado requerindo ou libramento dá débeda contraída", explica o Consello Municipal de Deportes. Acción cuxa validez acaba de recoñecer o Contencioso Administrativo número 1 de Ourense en sentenza que obriga á Deputación a satisfacer a cantidade que se lle reclama, máis os intereses de demora xerados desde o final da realización das obras, uns 9 anos. |
|
|
|
 |
 |
|
|
 |
|
 |
|
|
|