O candidato socialista á alcaldía de Ourense, Francisco Rodríguez, garantiu este venres que asegurará o acceso de tódolos cidadáns en condicións de transparencia e igualdade a un posto de traballo nas administracións e organismos públicos dependentes do Concello.
Francisco Rodríguez comprométese a garantir o cumprimento estricto da lei e dos principios que afectan o réximen de selección de persoal, contemplados tanto na Constitución española, nos seus artigos 14 e 23.2 que recollen os principios de igualdade no acceso a función pública, e no artigo 103.3, que no seu capítulo sobre “Gobierno y Administración”, alude a necesidade de garantir un servizo público profesionalizado e competente.
Con tal fin, o candidato socialista á alcaldía de Ourense modificará a Relación de Postos de Traballo (RTP), acabando coa temporalidade garantindo “unha Administración seria, profesional e sin ataduras nin servilismos”.
|
|